|
Қостанай облысы әкімдігі білім басқармасының «Бейімбет Майлин ауданы білім бөлімінің Валерьянов негізгі орта мектебі» КММ
КГУ «Валерьяновская основная средняя школа отдела образования района Беимбета Майлина» Управления образования акимата Костанайской области |
|
|---|
|
24
Ақпан
2026
|
Бүгін шағын орталыққа "Әжелер мектебі" мүшесі Сарай әже келді. Әже балаларға қызықты ертегі оқып берді. Балалар әженің айналасына жиналып, ертегіні қызыға тыңдады. Сарай әже ертегіні мәнерлеп оқып, кейіпкерлердің дауысын салып берді. Балалар ертегіден көп жақсы тәлім алды. Кездесу өте әсерлі әрі тәрбиелік мәні зор болды.
|
24
Ақпан
2026
|
Валерьянов мектебінде ұлттық дәстүрлерді сақтау және оқушылардың ұлттық мұраға деген қызығушылығын арттыру мақсатында «Ұлттық ойындар» секциясы өз жұмысын жалғастыруда.
Секция жұмысы барысында қазақтың ең танымал ұлттық ойындарының бірі — асық атуға ерекше көңіл бөлінеді. Оқушылар ату техникасын меңгеріп, мергендігін, ептілігін және стратегиялық ойлау қабілеттерін жетілдіруде.
Балалар асық ату бойынша аудандық жарыстарға қатысып, жүлделі орындарды иеленіп, жоғары дайындық деңгейі мен спорттық рухтарын көрсетіп жүр.
Аталған секция мектептің тәрбие жұмысының маңызды бөлігі болып табылады және оқушылардың ұлттық дәстүрлерге деген қызығушылығын арттырып, салауатты өмір салтын қалыптастыруға ықпал етеді
|
15
Ақпан
2026
|
Шағын орталықтың ең кішкентай тәрбиеленушілері мен мектебіміздің оқушылары «Махаббат деген не?» деген сұраққа өз ойларымен жылы ықыласпен бөлісті.
|
15
Ақпан
2026
|
|
15
Ақпан
2026
|
Кәсіби бағыт-бағдар беру жұмысы аясында және «ЕҢБЕГІ АДАЛ – ЖАС ӨРЕН» жобасы шеңберінде Валерьянов мектебінің оқушылары Төтенше жағдайлар қызметіне қарасты Лисаковск қаласының өрт сөндіру бөліміне барды. Экскурсия барысында оқушылар өрт сөндіруші мамандығының қыр-сырымен және бөлімнің күнделікті жұмысымен танысты. Қызметкерлер арнайы техникалар мен құрал-жабдықтарды көрсетіп, олардың қалай қолданылатынын түсіндірді. Сонымен қатар төтенше жағдай кезінде қауіпсіздік ережелерін сақтау туралы маңызды ақпарат берді. Бұл шара оқушылардың мамандыққа деген қызығушылығын арттырып, батылдық пен жауапкершілікке тәрбиелеуге ықпал етеді
|
11
Ақпан
2026
|
Қостанай облысының мектеп оқушылары арасында ұлттық әдеби мұраны насихаттауға және батырлық жырларды жатқа айтуға бағытталған облыстық «Тұлпар мініп, ту алған» жобасы бастау алды.
Жоба талаптарына сәйкес зерделеу және мәнерлеп оқу үшін қазақтың қаһармандық эпосы «Алпамыс батыр» таңдалды.
Жобаны жүзеге асыру аясында Валерьянов мектебінің оқушылары мектеп кітапханасында эпостың мазмұнымен таныса бастады. Оқушылар жырдан үзінділер оқып, басты кейіпкерлердің бейнесін, олардың ерлігі мен туған жерге деген адалдығын, халықтық дәстүрлерге беріктігін талқылады.
Эпосты оқу жұмысы оқушылардың ұлттық тарихқа қызығушылығын арттыруға, патриоттық құндылықтарды қалыптастыруға және халықтың рухани мұрасына деген құрметті нығайтуға ықпал етеді.
|
11
Ақпан
2026
|
«Музыка және театр» үйірмесінің жұмысы аясында, сондай-ақ «Оқитын мектеп» және «Балалар кітапханасы» жобаларын іске асыру мақсатында мектеп кітапханашысы шағын орталық тәрбиеленушілерімен «Ертегілер бетімен» атты әдеби сағат өткізді.
Іс-шара барысында балаларға «Қаршақыз» ертегісі оқылып, одан кейін «Ертегіні тап» атты ойын ұйымдастырылды. Тәрбиеленушілер шығарманы қызығушылықпен тыңдап, сұрақтарға белсенді жауап беріп, ертегі кейіпкерлерін таныды.
Әдеби сағат жылы, жағымды атмосферада өтіп, балалардың көркем әдебиетке деген қызығушылығын арттыруға және бекітуге бағытталды.
