|
Қостанай облысы әкімдігі білім басқармасының «Бейімбет Майлин ауданы білім бөлімінің Валерьянов негізгі орта мектебі» КММ
КГУ «Валерьяновская основная средняя школа отдела образования района Беимбета Майлина» Управления образования акимата Костанайской области |
|
|---|
|
10
Қараша
2026
|
«Суды үнемде – болашақ үшін сақта!»
1А -сыныбында сынып сағаты өтті.
Тақырыбы: «Суды үнемде – болашақ үшін сақта!»
Мақсаты:
Балаларға судың адам өмірі мен табиғат үшін маңызын түсіндіру, суды үнемдеуге тәрбиелеу.🌱 Сабақта не істедік:
Су не үшін керек екенін әңгімеледікШүмекті босқа ашық қалдырмауды үйрендік«Тамшы» ойынын ойнадық Суды үнемдеу ережелерін суретпен салдық💙
Күтілетін нәтиже:
Балалар суды ысырап етпей, ұқыпты пайдалануды үйренеді. Табиғатты қорғауға жауапкершілікпен қарайды.
👩🏫 Сынып жетекшісі: Зұлқарнаева Жайлаугүл
|
7
Қараша
2026
|
2–8 сынып оқушылары арасында өткен «Зерде» республикалық зерттеу жобалары мен шығармашылық жұмыстар конкурсының облыстық кезеңінде 7 «Б» сынып оқушысы Жансугурова Ақмаржанды лайықты III орын иеленуімен мақтанышпен құттықтаймыз!
Секция:«Орыс тілі және әдебиеті»
Жоба тақырыбы: «МАК (метафоралық ассоциативті карталар): сөз қайда гүлдейді. 2.0.»
Ғылыми жетекшісі — Колыханова Юлия Сергеевна.
Ақмаржанды және оның ғылыми жетекшісін тамаша нәтижесімен құттықтаймыз! Жаңа идеялар, шабыт, сенімділік және зерттеу қызметінде одан әрі табыстар тілейміз!
Әрбір жаңа ашылым үлкен жеңістерге бастар тағы бір қадам болсын!
|
7
Қараша
2026
|
Құқықтық жалпыға бірдей оқу «Менің телефоным — менің қауіпсіздігім»
7-8 «Б»
Мақсаты:Оқушыларға ұялы телефон мен интернетті қауіпсіз әрі жауапкершілікпен пайдалану дағдыларын қалыптастыру. Жеке мәліметтерді қорғау, цифрлық қауіпсіздік ережелерімен таныстыру және интернеттегі қауіп-қатерлердің алдын алу.
|
3
Қараша
2026
|
ОБЛЫСТЫҚ ОЛИМПИАДАДАҒЫ ЖАРҚЫН ЖЕҢІС!
28–29 қазан күндері Қостанай қаласында ауыл мектептерінің оқушыларына арналған жалпы білім беретін пәндер бойынша олимпиаданың облыстық кезеңі өтті.
Мектебіміздің намысын «Құқық негіздері» пәні бойынша 9-сынып оқушысы Тарасенко Нелли қорғады.
Зияткерлік сайыс қорытындысы бойынша Нелли өзінің терең білімін, жоғары дайындық деңгейін және пәнді жетік меңгергенін көрсетті. Олимпиадаға қатысқан барлық үміткерлер арасында ең жоғары ұпай жинап, өзгелерден айтарлықтай басым түсіп, І орынға лайықты түрде ие болды!
Бұл жеңіс – оқушының мақсаткерлігі, табандылығы мен еңбекқорлығының, сондай-ақ жетекшісінің кәсіби шеберлігінің жемісі.
Неллиді жоғары жетістігімен шын жүректен құттықтаймыз! Өз күшіне сеніп, жаңа зияткерлік белестерді бағындырып, алдағы уақытта да толағай табыстарға жете беруіне тілектеспіз!
Жеңімпазды дайындаған жетекшісі Утепова Г.Е. ерекше алғыс білдіреміз!
Оқушымызды мақтан тұтамыз! Мектебімізді мақтан тұтамыз!
|
7
Қыркүйек
2026
|
"Мектепке жол" Республикалық акциясы аясында
«Первомай қиыршықтас» ЖШС-нің бас директоры Абдуллаев Рустам Ирамисовичке,
«Первомай 22» ЖШС-нің қиыршықтас зауытының бас директоры Багдасарян Виген Гагиковичке және
«Достық» шаруа қожалығының басшысы Ибрашева Лариса Васильевнаға әлеуметтік жағдайы төмен санаттағы 13 оқушыға жалпы сомасы 505 000 теңге көлемінде демеушілік көмек көрсетіп, белсенділік танытқандары үшін шын жүректен алғысымызды білдіреміз.Сіздердің қолдауларыңыз балаларға қуаныш сыйлап қана қоймай, мейірімділік, қайырымдылық және жас ұрпаққа қамқорлықтың жарқын үлгісі болды.Ізгі ниеттеріңіз еселеніп, отбасыларыңызда татулық пен бақ-береке орнасын, еңбектеріңізде әрқашан табыс, молшылық және өркендеу серік болсын деп тілейміз!
|
8
Маусым
2026
|
«Балдәурен» жазғы алаңындағы Көңілді ойындар күні
Бүгінгі күн балаларға шаттыққа толы көңіл күй, қуаныш пен жарқын әсер сыйлады!
Күн таңғы жаттығудан, саптық жиыннан және қауіпсіздік техникасы бойынша нұсқаулықтан басталды.
Қызығушылық бойынша ұйымдастырылған сабақтарда балалар орыс және қазақ тілдерімен айналысып, сондай-ақ «Қағаз ертегісі» үйірмесінің жұмысына қатысып, өздерінің шығармашылық қабілеттерін көрсетті.
Ұлттық домбыра күні аясында балалар қазақ халқының ұлттық музыкалық аспабының тарихы мен маңызымен танысты. «Домбыра – халық мұрасы» тақырыбындағы әңгіме балаларға өз халқының мәдени мұрасын тереңірек тануға мүмкіндік берді.
Күн қызықты, танымдық әрі көңілді өтіп, балаларға көптеген жағымды эмоциялар мен көтеріңкі көңіл күй сыйлады!
|
2
Маусым
2026
|
2 маусым күні «Балдаурен» мектеп жанындағы жазғы лагерінде қызықты әрі мазмұнды Ертегілер күні өтті.
Күн таңғы жаттығудан және қауіпсіздік техникасы бойынша нұсқаулықтан басталды. Одан кейін балалар ауылдық кітапханаға барып, қызықты кітаптармен танысып, сүйікті ертегілер әлеміне саяхат жасады.
Күні бойы оқушылар қызығушылықтарына қарай үйірмелерге қатысып, шығармашылық қабілеттерін дамытып, жаңа білім алды. Түскі астан кейін балалар «Мен жазды суреттеймін» атты асфальтқа сурет салу байқауына қатысып, өз қиялдары мен көңіл күйлерін түрлі-түсті суреттер арқылы бейнеледі.
«Балдаурен» лагеріндегі Ертегілер күні қызықты, танымдық әрі көңілді өтіп, балаларға жарқын әсерлер мен ұмытылмас естеліктер сыйлады.
