|
Қостанай облысы әкімдігі білім басқармасының «Бейімбет Майлин ауданы білім бөлімінің Валерьянов негізгі орта мектебі» КММ
КГУ «Валерьяновская основная средняя школа отдела образования района Беимбета Майлина» Управления образования акимата Костанайской области |
|
|---|
|
13
Мамыр
2025
|
2025 жылғы 18 ақпан мен 3 наурыз аралығында 7–12-сынып оқушылары арасында Республикалық эссе байқауы өткізілді. Байқауға еліміздің барлық өңірлерінен 600-ден астам жұмыс келіп түсті. "Орнықты даму" тақырыбындағы бұл байқауды ҚР Ұлттық экономика министрлігінің қолдауымен «Экономикалық зерттеулер институты» АҚ БҰҰ Даму бағдарламасымен және БҰҰ Балалар қорымен (ЮНИСЕФ) бірлесіп ұйымдастырды.
Байқау нәтижесінде 90% және одан жоғары ұпай жинаған 14 оқушы Ұлттық экономика вице-министрінің алғыс хатымен және ЮНИСЕФ ұйымының бағалы сыйлықтарымен марапатталды. Бұл оқушылар – идеяларының ерекшелігімен, тәжірибелік ойлауымен және Тұрақты даму мақсаттарына жеке үлесін нақты түсінуімен көзге түсті.
Осы орайда, мектебіміздің оқушысы Илеуов Айбар алғыс хат пен бағалы сыйлыққа ие болғанын қуана хабарлаймыз! Айбар өз жұмысында әлеуметтік инклюзия мен ынтымақтастықтың маңыздылығына ерекше назар аударады. Эсседе оның жеке тәжірибесі – ауылындағы бір қарияға ауласында және шаруашылықта көмектескені туралы жылы естелігі баяндалған. Бұл мысал жай ғана игі істердің өзара түсіністік пен сенімге негіз болатынын көрсетеді.
Айбарды және жетекшісі Даушева Г.Д.-ны осы лайықты марапатпен шын жүректен құттықтаймыз! Оқуда және болашақ бастамаларда табыс тілейміз!
|
10
Мамыр
2025
|
2025 жылғы 8 мамырда Валерьянов мектебінде Ұлы Отан соғысында қаза тапқан жауынгерлерге арналған ескерткіштің жанында Жеңістің 80 жылдығына орай салтанатты жиын өтті.
Мектеп ұжымы мен оқушылар ерлердің рухына терең құрметпен бір минут үнсіздік жариялап, олардың ерліктерін еске алды.
Оқушылар соғыс, ерлік пен бейбіт өмірдің құны жайлы жүректі тербейтін өлең жолдары арқылы өз сезімдерін жеткізді .Іс-шара — бүгінгі ұрпақтың бейбіт аспан үшін алғыс білдіруі мен соғыссыз өмір сыйлаған батырларға деген ризашылығының көрінісі болды.
Соңғы жылдары Қазақстан білім сапасын арттыруға, оқушылар мен педагогтар үшін жағдайды жақсартуға, сондай-ақ қазіргі заманғы білім беру стандарттарын енгізуге бағытталған орта білім беру жүйесін жаңғырту бойынша ауқымды қадамдар жасауда.
⚡ 2024-2025 оқу жылының басында елімізде 8 мыңға жуық мектеп жұмыс істейді, онда 3,9 млн-нан астам оқушы, оның ішінде 352 мың бірінші сынып оқушылары оқиды.
⚡ 2024-2025 оқу жылында еліміздің мектептерінде 406 мың педагог жұмыс істейді — өткен жылмен салыстырғанда 8 мыңға артық. 2020 жылдан бастап педагог мәртебесін көтеру саясаты шеңберінде мұғалімдердің жалақысы 100%-ға көбейді. 2023 жылы мектепке дейінгі тәрбиешілер мен техникалық және кәсіптік білім беру педагогтеріне қосымша үстемеақылар, сондай-ақ біліктілік санаттары, еңбек өтілі, еңбек жағдайлары, академиялық дәрежесінің болуы және тәлімгерлік үшін қосымша ақылар енгізілді. Ауылдық жерлерде мұғалімдердің жалақысы қаладағы жалақыдан кем дегенде 25%-ға жоғары. 2025 жылы 11 мыңнан астам педагог біліктілікті арттыру курстарынан өтті, олардың шамамен 58%-ы ауыл мұғалімдері. 2025 жылғы 1 қаңтардан бастап аттестаттау процесінің ашықтығын қамтамасыз ететін педагогтердің үздіксіз кәсіби дамуының жаңа платформасы жұмысын бастады.
🌏 Білім беру үдерісінде көптілділікті, инклюзивті оқытуды және бағалаудың басқа да түрлерін қосқанда, заманауи педагогикалық тәсілдер белсенді енгізілуде. Цифрландыруға көп көңіл бөлінуде: 1757 мектепте STARLINK спутниктік интернеті қосылған және барлық оқулықтар цифрландырылып, 11 цифрлық платформада қол жетімді.
Қазақстан Орталық Азиядағы мектеп білімінің сапасын бағалаудың ұлттық жүйесі – ББЖМ халықаралық аккредитациясынан өткен жалғыз мемлекет. Бұл құрал халықаралық стандарттарға сәйкестігін растайтын RCEC (Research Centre for Examination and Certification) сапа белгісін алды. ББЖМ оқу бағдарламаларының тиімділігін объективті бағалауға, білім беру үдерісінің күшті және әлсіз жақтарын анықтауға және білім беру жүйесін одан әрі дамыту бағыттарын анықтауға мүмкіндік береді.
➤ ББЖМ шеңберінде сауаттылықтың үш: оқу, математикалық және жаратылыстану бағыты бағаланады. RCEC-пен ынтымақтастықтың екі жылында бағалау шеңберін әзірлеуді, тест сұрақтарын дайындауды, тестілеу дизайнын әзірлеуді, цифрлық платформада тестілеуді басқаруды, халықаралық стандарттарға сәйкес нәтижелерді кеңейтуді және талдауды қамтитын ББЖМ аккредиттеудің 7 кезеңі өтті.
➤ Білім беру жүйесінің табысты жұмыс істеуі үшін педагогтарды даярлауға ерекше көңіл бөлінеді, осы мамандықтың беделі артуда. Мемлекет білім беру саласына үздік мамандарды тарту үшін күш салып жатыр. Реформалар шеңберінде мұғалімдердің жалақысы көбейді, біліктілікті арттыру және педагогикалық шеберлікті дамыту бағдарламалары енгізілді. Жүргізіліп жатқан жұмыс қазірдің өзінде нәтиже беруде, мектептердің түлектері одан әрі оқу үшін педагогикалық мамандықтарды таңдауда.
⚡ Республикада педагогтерді аттестаттаудың автоматтандырылған жүйесі бар. Осылайша, 2025 жылғы 1 қаңтардан бастап мұғалімдердің үздіксіз кәсіби дамуына арналған «Ұстаз» ұлттық платформасын кезең-кезеңімен енгізу басталды. Бұл платформа аттестаттау үдерісін анағұрлым ашық етеді. 2025 жылы платформа арқылы 150 мыңға жуық қазақстандық педагог аттестаттаудан өтеді.
🔆 Президенттің бастамасымен барлық білім беру ұйымдарында «Адал азамат» бірыңғай тәрбие бағдарламасы енгізілуде. Биылдан бастап оған жеке мектептер де қосылып, 2026 жылы ауқымды тарату үшін шаралар қабылданады.
➤ Бағдарлама аясында мектептер жанынан ата-аналарды педагогикалық қолдау орталықтары (АПҚО) ашылды, ал өңірлерде психологиялық қолдау орталықтары (ПҚО) құрылды.
📱 @KZgovernment
|
4
Мамыр
2025
|
📚 Дәстүрлі түрде 34 аптаға созылатын оқу жылы аяқталуға жақын. Еліміз бойынша биылғы оқу жылын 3,9 миллионнан астам оқушы қорытындылайды. Екі жүз он жеті мыңнан астам он бірінші сынып оқушысы мектеп бітіреді.
🏫 Өткен жылдағыдай, соңғы оқу күні — 23 мамырда еліміздің барлық мектептерінде «Білімім — Отаныма» тақырыбында бірыңғай сынып сағаты өтеді. Бұл — бүкіл білім беру жүйесі үшін маңызды шара, оқушылар мен ұстаздар оқу жылын қорытындылап, ең маңызды әрі қызықты сәттерді бірге еске алады.
🇰🇿 Бірыңғай сынып сағаты оқушылардың бойында білімге ұмтылыс, патриотизм және еңбекқорлық сияқты қасиеттерді қалыптастыруға бағытталған. Балалардың оқудағы әрбір жетістігі — болашағымыздың іргетасын берік етіп қалаудың негізі.
📆 Биылғы оқу жылының ресми аяқталуы жексенбі күнімен сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23-ші немесе 24-ші мамырда өткізіледі.
❗ Сондай-ақ, барлық оқушылар үшін тең жағдай мен қауіпсіздікті қамтамасыз ету үшін мектеп форматынан тыс, сән-салтанатты іс-шаралар ұйымдастыру, ақша жинау, автокөлікпен шеруге шығу және басқа да мерекелеу түрлеріне жол берілмейтінін тағы да еске саламыз.
|
29
Сәуір
2025
|
Бала құқықтарына қатысты кез келген мәселе бойынша көрсетілген нөмірлерге хабарласуға немесе Instagram парақшадағы Direct арқылы жазуға болады.
|
29
Сәуір
2025
|
Мектеп құрылысын жүргізу және реновациялау бойынша ауқымды бастамаларды іске асыру білім алу жағдайларын жақсартуға ықпал етеді, сондай-ақ білім жүйесін тұрақты дамытуға, қалалар мен ауыл мектептері арасындағы сапа айырмашылығын азайтуға мүмкіндік береді.
