2025 жылғы 19 тамызда Денисов ауданының «Солнечный» балаларды сауықтыру лагері базасында Валерьянов мектебінің оқушылары Тарасенко Нелли мен Прилипко Андрей мектептік өзін-өзі басқару көшбасшылары форумына қатысты. Іс-шараны Жастар ресурстық орталығы ұйымдастырды. Форум жазғы каникул кезеңінде балалардың бос уақытын тиімді өткізу және сауықтыру мақсатында өткізілді.
Күннің бағдарламасы мазмұнды әрі алуан түрлі болды. Қатысушылар үшін тренингтер, көшбасшылық қасиеттер мен командалық рухты дамытуға бағытталған арқан курсы, сондай-ақ жарыс түрінде өткен тимбилдинг ұйымдастырылды. Бұл оқушылардың белсенділігін, бастамашылдығын және ұйымшылдығын көрсетуге мүмкіндік берді. Қатысушылар үшін ерекше қызығушылық тудырған бағыт – мобилография негіздеріне үйрету болды. Бұл – мобильді құрылғылар арқылы фото және видео түсірудің заманауи бағыты, және оны Қостанай қаласынан арнайы шақыртылған блогер өткізді. Күннің соңында форум қатысушыларын салтанатты түрде марапаттау рәсімі өтті. Бұл мазмұнды күннің жағымды қорытындысы болды.
Мұндай іс-шаралар мектеп және жастар қауымдастығын дамытуға үлес қосуға дайын болашақ көшбасшыларды қалыптастыруда маңызды рөл атқарады.
