3 маусымда «Күн шуақ» лагерінде күн ертегідей өтті — бұл күн «Ертегілер күні» ұранымен басталды!
Таңертең балаларды «Сіздерге қуаныштымыз!» деген ұранмен қарсы алып, күннің бағдарламасы басталды. Одан кейін балаларға қауіпсіздік техникасы бойынша нұсқаулық жүргізіліп, демалыс күнін қауіпсіз әрі қызықты өткізу үшін маңызды ережелер еске салынды.
Жоспар бойынша «Қызыл алаң» атты спорттық ойын өткізілді. Бұл ойында балалар ептілік пен тапқырлықтарын көрсетіп, командалық рухтарын танытты.
Келесі кезекте «Ғажайыптар әлемі…» атты кітапханаға экскурсия ұйымдастырылып, балалар ертегілер әлеміне еніп, көптеген қызықты мәліметтермен танысты.
Күннің маңызды бөлігі – «Судағы қауіпсіздік және мінез-құлық ережелері» тақырыбындағы әңгіме болды. Балалар судағы қауіпсіздік ережелерін еске түсіріп, жазғы маусымға арналған пайдалы кеңестер алды.
Күннің соңы таза ауада өткізілген көңілді ойындармен жалғасты. Бұл сәттер балаларға көтеріңкі көңіл күй мен шаттық сыйлады.
Күн соңында қорытынды жасалып, балалар өз әсерлерімен бөлісіп, күннің ең жарқын сәттерін атап өтті.
Жаз енді ғана басталды, ал «Күн шуақта» әр күн — жаңа ертегі!
