Ұлы Жеңістің 80 жылдығын мерекелеу қарсаңында Валерьянов мектебінде «Отаным – Аманатым» атты саптық ән және сап байқауы өтті.
1-9 сынып оқушылары саптық дайындық бойынша өз шеберліктерін көрсетті: нақты саппен жүру, бұйрықтарды орындау, ұйымшылдық пен тәртіпті іс-қимылдарын танытты.
Іс-шара мектеп директоры Утепова Г.Е.-нің құттықтау сөзімен ашылды. Ол барша қауымды 9 мамыр — Жеңіс күнімен құттықтап, кеңес халқының ерлігін ұмытпау және жас ұрпақ бойында патриоттық тәрбие қалыптастырудың маңыздылығын атап өтті.
Оқушылардың өнерін қазылар алқасының құрметті мүшелері — Хасенов М.М., Абилхасенов Е.Х. және Хайрат Ж. бағалады. Бұл кісілер — Отан алдындағы борышын абыроймен өтеген, әскери тәртіп пен патриоттық рухты өмірінің бір бөлшегіне айналдырған азаматтар.
Бастауыш сыныптар арасында байқау қорытындысы бойынша:
🥉 3 орын — 1, 3, 4 «Б» сыныптарының командасы,
🥈 2 орын — 2, 3, 4, 6 «А» сыныптарының командасы.
Орта және жоғары буын арасында:
🥉 3 орын — 5, 6 «Б» сыныптарының командасы,
🥈 2 орын — 7, 8 «Б» сыныптарының командасы,
🥇 1 орын — 9 «Б» сынып оқушыларының командасы.
Сап және ән байқауы оқушылардың әскери-патриоттық тәрбиесінің маңызды кезеңіне айналып қана қоймай, рухтың мықтылығы, ұйымшылдық пен Отанға деген сүйіспеншіліктің нағыз мерекесіне айналды.
Оқушылар бұл іс-шараға зор ынтамен дайындалды, ал көрермендер — мұғалімдер мен сыныптастары — қатысушыларды ыстық ықыласпен қолдады.
Мұндай іс-шаралар жас ұрпақ бойында жауапкершілік, тәртіп пен ата-бабаларымыздың ерліктеріне деген мақтаныш сезімін қалыптастыруға ықпал етеді.
