Қостанай облысы әкімдігі білім басқармасының «Бейімбет Майлин ауданы білім бөлімінің Валерьянов негізгі орта мектебі» КММ
КГУ «Валерьяновская основная средняя школа отдела образования района Беимбета Майлина» Управления образования акимата Костанайской области

«Кітап оқитын ұлт – Читающая нация» жобасы аясында КГУ «Валерьянов негізгі орта мектебі» директоры Утепова Г.Е. Абай Құнанбайұлының «Қара сөздері» кітабы туралы өз әсерімен бөлісті. Ол Абайдың рухани мұрасы жас ұрпаққа адамгершілік, жауапкершілік және ой мәдениеті туралы терең ойлануға мүмкіндік беретінін, ал шығарманың бүгін де өзектілігін жоғалтпай, оқырманның ішкі әлемін қалыптастыруға және өмірге деген көзқарасын кеңейтуге ықпал ететінін атап өтті.
Сонымен қатар, жоба аясында Гүлшат Еленовна мектеп кітапханасына жаңа кітаптарды — Болат Жандарбековтің «Сақи» шығармасын және Антуан де Сент-Экзюперидің «Кішкентай ханзада» кітабын сыйға тартты. Ол кітапхананың сапалы әдебиеттермен толығуы оқушылардың кітап оқуға деген қызығушылығын арттырып, кітапхананы балалар үшін одан әрі тартымды ететінін жеткізді. Бұл туындылар оқырмандық мәдениетті дамытып, көркем әдебиетке деген қызығушылықты оятатын маңызды толықтыру болмақ.